Letra as titulars

Senhor, senhora,

Era rason d'aguesta letra ei demanar-vos que collaboretz en Sondatge d'usatges lingüistics dera populacion 2023, qu'ei ua estadistica oficiau qu'a per objectiu conéisher es usatges dera populacion en çò que tanh diuèrses lengües presentes en territòri catalan e es diferenti espacis de relacion, e ei responsabilitat der Institut d'Estadistica de Catalonha (entà deuant, Idescat) e deth Departament de Cultura, a trauès deth Secretariat de Politica Lingüistica.

Vos auem seleccionat entà collaborar en aqueth Sondatge en tot seguir un procediment estrictament aleatòri e hètz part d'ua mòstra de persones de 15 ans o mès deth territòri de Catalonha. Per açò vos demanam que ramplitz eth qüestionari en linha, ath que podetz accedir en tot seguir es indicacions següentes:

• Entratz ena adreça https://idescat.cat//usatgeslinguistics e introdusitz es donades d'accès següentes:
  • USATGÈR: XXXXXX
  • SENHAU: XXXXXX

Se non arrecebem cap de responsa vòsta, a compdar deth mes de seteme un entrevistaire degudament acreditat se meterà en contacte damb vos, per telefon o mejançant visita domiciliària, entà facilitar era vòsta collaboracion e aufrir-vos supòrt tecnic e assessorament entà arrespóner era Enquèsta.

Eth Sondatge d'usatges lingüistics dera populacion 2023 ei ua accion estadistica que se realize cossent damb eth Plan estadistic de Catalonha 2017-2020, aprovat pera Lei 5/2016, de 23 de deseme (actuaument prorogada entar an 2023), e damb eth Programa annau d'accion estadistica 2023, aprovat peth Decrèt 36/2023, de 7 de març. Pr'amor que se tracte d'ua estadistica oficiau, auetz era obligacion de proporcionar era informacion que se vos demane. Atau madeish, era Administracion e es foncionaris que tracten aguesta informacion son obligadi per lei ath secrèt estadistic e ara proteccion de donades personaus; ei a díder, son obligadi a non divulgar aquera informacion de cap de manèra e a non utilizar-la entà cap d'auta fin que non sigue era elaboracion d'ua estadistica oficiau. Ena fin d'aguesta letra trobaratz mès informacion sus era proteccion de donades.

A compdar deth quatau trimèstre de 2024 poderatz consultar es resultats deth Sondatge en web der Idescat (https://www.idescat.cat/estad/eulp, ena seccion dera Sondatge d'usatges lingüistics dera populacion) e en web deth Secretariat de Politica Lingüistica deth Departament de Cultura (https://llengua.gencat.cat/eulp); enes dus webs podetz trobar es resultats des edicions anteriores deth Sondatge.

Se voletz mès informacion sus es aspèctes tecnics e legaus d'aguesta estadistica, non dobtetz a meter-vos en contacte damb er Idescat per miei deth telefon 900 842 244 o dera adreça electronica usoslinguistics arrova idescat punt cat.

Arregraïm per auança era vòsta collaboracion e vos saludam plan coraument.

Barcelona, seteme 2023