Sautar ath contengut principau

Accessibilitat

Declaracion d'accessibilitat deth web www.idescat.cat

Er Institut d'Estadistica de Catalonha (Idescat) s'a comprometut a hèr accessible en sòn lòc web, de conformitat damb eth Reiau decrèt 1112/2018, de 7 de seteme, a prepaus d'accessibilitat des lòcs web e aplicacions entà dispositius mobils deth sector public (en tà deuant, Reiau decrèt 1112/2018), e damb eth Decrèt 216/2023, de 5 de deseme, a prepaus d'accessibilitat des lòcs web e des aplicacions entà dispositius mobils dera Administracion dera Generalitat de Catalunya e deth sòn sector public (en tà deuant, Decrèt 216/2023).

Aguesta declaracion d'accessibilitat s'aplique en web https://www.idescat.cat.

Situacion de compliment

Aguest lòc web ei parciaument confòrme damb eth Reiau decrèt 1112/2018 e damb eth Decrèt 216/2023, pr'amor dera manca de conformitat des aspèctes que s'indiquen seguidament.

Contengut non accessible

Eth contengut que se recuelh seguidament non ei accessible pr'amor des motius següenti:

  1. Manca de conformitat damb eth Reiau decrèt 1112/2018 e damb eth Decrèt 216/2023:

    En apartat del web nomentat Comèrç damb er estrangèr hi pot haver diversos problemes d'accessibilitat.

    I pòt auer taulèus de donades damb foncionalitat complèxa damb problèmes diuèrsi d'accessibilitat ena Estadistica dera despena deth torisme estrangèr, eraEstadistica deth torisme estrangèr, eth Torisme de residents de Catalonhae ethTorisme en Catalonha de residents dera rèsta der Estat.

    I pòt auer archius ofimatics en PDF o auti formats publicadi dempús deth 20 de seteme de 2018 que non complisquen era totalitat des requisits d'accessibilitat.

    I a contenguts en lengües diferentes des dera pagina non etiquetadi de manèra adequada.

    I pòt auer errors puntuaus d'edicion en quauqua pagina web o document.

  2. Carga desproporcionada:

    Non aplicable.

  3. Eth contengut non entre laguens der encastre dera legislacion aplicabla:

    I pòt auer archius ofimatics en PDF o auti formats publicadi abans deth 20 de seteme de 2018 que non complisquen era totalitat des requisits d'accessibilitat.

    I pòt auer mapes que non complisquen era totalitat des requisits d'accessibilitat.

Premaniment dera declaracion d'accessibilitat

Aguesta declaracion siguec premanida eth dia 18 de junh de 2020.

Eth metòde utilizat entà premanir era declaracion a estat ua autoavaloracion amiada a tèrme peth pròpri Idescat.

Darrèra revision dera declaracion: 31 de junhsèga de 2024.

Observacions e donades de contacte

Comunicacions

Se pòden hèr comunicacions sus requisits d'accessibilitat (article 16.2 deth Decrèt 216/2023) a trauès d'aguesta boèta de contacte.

Per exemple, entà comunicar çò següent:

  • Informar a prepaus de quinsevolh possible inacompliment per part d'aguest lòc web.
  • Transméter de d'autes dificultats d'accès ath contengut.
  • Formular quinsevolha auta suggestion de melhora o consulta relatives ara accessibilitat deth lòc web.

Es comunicacions les receberà era Unitat Responsabla d'Accessibilitat dera Generalitat de Catalunya e deth sòn sector public, e se portaràn as unitats responsables d'accessibilitat delegades.

Sollicitacions d'informacion accessibla e queishes

Entà hèr sollicitacions d'informacion accessibla e queishes (article 16.3 deth Decrèt 216/2023), cau accedir ara formalitat Contenguts accessibles e seguir era modalitat Sollicitar informacion accessibla o presentar ua queisha.

Quinsevolha persona fisica o juridica pòt presentar queishes a prepaus deth compliment des requisits d'accessibilitat, e sollicitar informacion relativa a contenguts que siguen excludidi de complir-les.

Es sollicitacions e queishes se registren confòrme as requisits qu'establís era Lei 39/2015, d'1 d'octobre, deth procediment administratiu comun des administracions publiques, e se resòlven laguens deth tèrme de vint dies obrants.

Reclamacions

Se, un viatge hèta ua sollicitacion d'informacion accessibla o queisha, a estat desestimada, non s'a atengut o laguens deth tèrme de vint dies obrants establit (article 16.4 deth Decrèt 216/2023), se pòt presentar ua reclamacion deuant dera Unitat Responsabla d'Accessibilitat dera Administracion dera Generalitat de Catalunya e deth sòn sector public damb aguestes finalitats:

  • Conéisher es motius dera desestimacion e opausar-s'i.
  • Sollicitar que s'adòpten es mesures oportunes en cas de non èster d'acòrd damb era decision.
  • Expausar es rasons pes quaus se considère qu'era responsa non complís es requisits exigidi.

Era reclamacion se pòt presentar a trauès dera formalitat Contenguts accessibles, en tot seguir era modalitat Reclamar ua sollicitacion.

Era Unitat Responsabla d'Accessibilitat a de resòlver era reclamacion laguens deth tèrme maximau de dus mesi.

Eth compromés der Idescat entara accessibilitat

Er Idescat a construït eth sòn lòc web damb era tòca de facilitar er accès universau a totes es persones que lo consulten, independentament des sues capacitats fisiques, sensoriaus o intellectuaus, e tanben des caracteristiques tecniques dera equipa utilizada (tipe de dispositiu, logiciau, velocitat de connexion, condicions ambientaus, etc.).

Er Idescat trabalhe tà adaptar eth sòn lòc web as recomanacions deth Consòrci World Wide Web (W3C) e eliminar es barrères que dificulten er accès ara informacion e era comunicacion, en tot seguir es pautes d'accessibilitat establides enes Directrives entara accessibilitat deth conengut web (WCAG) version 2.1, en nivèu de conformitat AA.

Er Idescat vò aufrir ua airina eminentament practica e utila entà garentir e promòir era egalitat en accès e era gestion dera informacion disponibla en linha. Damb aguesta finalitat, incorporarà enes tecnologies dera informacion e era comunicacion qu'utilize, de forma progressiva e d'acòrd damb es mejans disponibles, es auanci e es sistèmes naui que favorisquen era accessibilitat ena comunicacion, d'acòrd damb era norma EN 301 549 v3.2.1 (PDF) entàs productes e servicis des tecnologies dera informacion e era comunicacion (lòcs web, logiciau, aplicacions natives, documents, maquinari, eca.).