Sautar ath contengut principau

Er Idescat e era Direccion Generau dera Politica Lingüistica deth Departament de Cultura dera Generalitat de Catalonha amien a tèrme eth sondatge d'usatges lingüistics dera populacion 2018. Aqueth sondatge, de periodicitat quinquennau, se hè a ua mòstra dera populacion de Catalonha de 15 ans e mès.

A compdar de març deth 2018 se pòt ja ramplir eth qüestionari per Internet, que permet redusir còsti e minimizar es molèsties ath ciutadan. Mès tà deuant tanben seràm disponibles era via telefonica e presenciau, s'eth ciutadan ac preferís.

Es titulars dera mòstra an arrecebut per corrèu postau ua letra de presentacion dera operacion, damb eth nòm d'usatgèr e eth senhau que permet d'accedir ath qüestionari en linha.

Entà quina consulta que sigue, metetz-vos en contacte damb eth Idescat per miei d'ua d'aguestes vies:

Consultes

Telefòn: 900 400 817

Adreça electronica: usoslinguistics arrova idescat punt cat

Legislacion sus eth secrèt estadistic e era responsa obligatòria

Es informacions que se demanen son entà elaborar ua estadistica oficiau. Era Administracion e es foncionaris qu'utilizen aguesta informacion son obligadi per lei ath secrèt estadistic, ei a díder, a non divulgar-la de cap de manèra e a non utilizar-la entà cap d'auta tòca que non sigue era elaboracion d'ua estadistica oficiau. Toti es ciutadans, es entitats e es institucions son obligadi per lei a proporcionar era informacion que se demane, e aguesta informacion a d'èsser complèta e veridica (art. 38 e 39 dera Lei 23/1998, de 30 de deseme, d'estadistica de Catalonha).